ኣብ‘ዛ መጽሓፍ ዘሎ ኩሉ ምሉእ ትምህርቲ ናይ ኦርቶ-ዶክስ ተዋህዶ እዩ። ምኽንያት ነዛ መጽሓፍ ክጽሕፋ ካብ ዝገበረኒ ነገር ድማ ኣማንን ዘይ ኣማንን ብዛዕባ ኦርቶ-ዶክስ ተዋህዶ ክፈልጥ ዝደለየ ነዛ መጽሓፍ እዚ‘ኣ ብምንባብ ክፈልጥ ከም ዝኽእል ምግባር እዩ። ሃይማኖት ወይ እምነት ኣብ ዓለምና ሓደ ካፍቲ ዘየደቅስ ስነ-ሓሳባዊ ፍልስፍና ዘለዎ ኮይኑ፣ ነዚ ስነ-ሓሳብ እዚ ድማ ሓንሳ ብምንባብ እንተዘይ ፈሊጥካዮ ኩሉ ግዜ ብዝኸውን ወይ ኢሎሞ እንዳበልካ ኢካ ክትዛረብ ክትነብር። ስለ'ዚ ድማ እየ ነዛ መጽሓፍ ቅድሚ ምጽሓፈይ ኣብ ኦርቶዶክስ ተዋህዶ ቤት-ክርስትያን ንኸባቢ ሓደ ዓመት ዝኸውን እንዳተማላለስኩ ነዚ ሃይማኖታዊ ስነ-ሓሳብ ክመሃሮን ክነቦን ክፈልጦን ክኢለ፣ ካብ'ኡ ብምብጋስ ድማ ካፍቲ ዝተፈላለየ ጽሑፋትን ብመምሃራን ኦርቶዶክስ ዝተዋህበ ትምህርቲ ኣብ ሓደ ብምጽማቅ እቲ ውሽጣዊ ትምህርቲ ናይዛ እምነት ብጽሑፍ ማሕተም ከቅርቦ ክኢለ ዘለኹ።