Yn De nije seemearmin steane tsien histoaryske ferhalen út alle tiden.
De haadpersoanen binne stik foar stik keunstsinnige, gefoelige minsken dy't har besykje steande te hâlden foarby de grinzen fan it gebrûklike, lykas Jan Mankes, keunstskilder út De Knipe, Titia Bergsma, earste frou dy't foet sette op Japanske boaiem, de 14-jierrige ballerina Marie von Goethem en Anunbi, tekener en ûntwerper yn tsjinst fan de froulike farao Hatsjepsût.