As Auke út Nij Beets heart dat tweintich kilometer fierderop yn It Hearrenfean in “aviateur” delkomme sil om syn fleankeunsten sjen te litten, kin er noch mar oan ien ding tinke: derhinne! It is de simmer fan 1910 en gjinien hat oait in fleantastel sjoen.
Mar hoe moat Auke dat oanpakke? Heit hat mei boer Huisman ôfpraat dat er elke dei meikomt te wurkjen. Dat fynt Auke op himsels net slim, al syn kammeraten moatte ek wurkje. Mar no leveret dat wol in probleem op. Boppedat: hoe moat er by dat “Vliegfeest” komme? Te rinnen? En hoe komt er oan de fyftich sinten foar de yntree? Dat is in soad jild! Mar hy sil it sjen! It moat!

Berneboekskriuwster Janny van der Molen krûpte yn de hûd fan in bern út in turfmakkershúshâlding en belibbet tegearre mei him it “Vliegfeest” fan Clément van Maasdijk dat hûndert jier lyn yn It Hearrenfean plakfûn.