Moard yn ’e Médoc is de fjirde detektive fan it skriuwersduo Frans en Tineke Steenmeijer. De skriuwers nimme jin dizze reis mei nei de Médoc yn Súdwest-Frankryk, de krite dêr’t se sûnt 2003 meastentiids húsmanje. De Atlantyske Oséaan mei syn wylde weagen, de grutte wynfjilden en de foarname châteaux binne dêr beskiedend foar de sfear. Yn dizze paradyslike oarde reitsje Doede Dechesne, Myra Mellarius en har freondinne Louise, in keunsthistorika, betize yn âlde en nije geheimen fan in adelike famylje.
Dat in Nederlânske resjersjeur in Frânske kollega helpt om in moardner te arrestearjen liket faaks frjemd, mar oan ’e ein fan dit echte ‘wa hat it dien-ferhaal’ wurdt dúdlik, dat it riedsel net oplost wurde kinnen hie sûnder de skerpsinnigens fan Doede en benammen fan syn Myra, de tûke miljeujuriste fan de Provinsje Fryslân.