Jan Hoiting (Onstwedde 1947) was van 1965 tot 2005 plietsieman in Grunnen. In t stukje veur in dit bouk schreef zien zeun Johan der al over: Elke plietsieman het in zien loopboane genog mitmoakt wat de muite weerd is um verteld te worden.

Veul van de verhoalen in dit bouk binnen dan ook woar gebeurd. Sommege verhoalen het de schriever van begun tot ende oet zien doem zogen. Of zie hemmen bloots n kern van woarhaid. Zo ook t verhoal ‘Appie’, woar Jan Hoiting in 2010 de eerste pries mit won in de Grunneger
Schriefwedstried van Groningen/Haren. Um t aal nait te veul op zukzölf te betrekken het hai n hoofdpersoon bedocht: Geert.
Ale verhoalen binnen aanpaast. Bestoande personen können der nait in herkend worden.