DE FISKEWRÂLD FAN ALLE KANTEN It falt net ta om fisk te wêzen. Moatst foar en achter eagen ha, mar dy sitte oan ’e sydkant. Fiskeëagen bliuwe altyd iepen, ek asto wol sliepe wolst.En kin in fisk wol laitsje en gûle? Kinst nergens mei dyn triennen hinne want oeral is wetter. Meist fan gelok sprekke as it skjin is, al falsto dan wol hiel bot op. Rôvers lizze op ’e loer, behalve asto sels in rôver bist. Dan hapsto dalik ta. Soms happe minsken ta en wiestó de fisk. Lekker dan!Yn Viva la vis besjogge dichter Eppie Dam (1953-2026), yllustrator Yke Reeder en foarmjouwer Monique Vogelsang (oeps! oare bubbel) de fiskewrâld fan alle kanten. Mei humor en fertriet. Dat is hoe’t it mei fisken sit. En mei minskefolk yn alle lannen, mei grutte boppe-wetter-plannen. Neist de Fryske nammen wurdt yn dit boek ek dy yn frjemde talen brûkt. Gjin wunder: fisken kenne gjin grinzen en swimme oeral hinne. Yn groepen of allinne.Viva la Vis! is in printeboek mei mear as fyftich fiskgedichten, skreaun troch Eppie Dam (1953-2026) en mei yllustraasjes fan Yke Reeder.