Inferno is het zesde boek van bestsellerauteur Dan Brown en het vierde boek met in de hoofdrol Robert Langdon, hoogleraar kunstgeschiedenis en symboliek. Dan Brown, Ynferno (Fryske útjeste)

Robert Langdon, heechlearaar keunstskiednis en symbolyk, wurdt op in nacht wekker yn in sikehûs yn Florence sûnder te witten hoe't er dêr telâne kaam is. Holpen troch in stoïsynske jonge frou, Sienna Brooks, flechtet Langdon en bedarret er yn in dûzeljend aventoer. Langdon komt derachter dat er yn it besit is fan in tal ûntrêstigjende koades, makke troch in briljante wittenskipper; in sjeny dat obsedearre is troch de ein fan 'e wrâld en it tjustere masterwurk Ynferno fan Dante Alighieri.

De striid tsjin dizze mysterieuze fijân bringt harren nei tiidleaze lokaasjes as it Palazzo Vecchio, de Boboli-tunen en de Duomo, en Langdon en Brooks stjitte op in netwurk fan ferburgen trochgongen en ieuwenâlde geheimen...

Yn syn fenomenale bestsellers De Da Vinci Code, Het Bernini Mysterie en Het Verloren Symbool kombinearre Dan Brown op masterlike wize skiednis, keunst, koades en symboalen mei in razend spannend ferhaal. Mei Ynferno sit Brown op fertroud terrein en hat er syn oan no ta meast dryste boek skreaun. Dan Brown is ien fan de súksesfolste trillerskriuwers yn 'e wrâld. Syn boeken stiene moannenlang boppe oan de bestsellerlisten tepronk en De Da Vinci Code waard ien fan de bêstferkochte boeken fan alle tiden.

`Spannend, ûnderhâldend en stiet fol mei nijsgjirrige feiten.' De Telegraaf

`In spannende thriller dy't rint as it spoar. (...) Better as De Da Vinci Code.' NRC Handelsblad

`Lêst as in trein.' de Volkskrant

`Brown traktearret syn lêzers yn Florence op in tocht lâns ferneamde keunstwurken (...) In soad gong en in strak orkestrearre plot. De lêzer dy't healwei mient te witten hoe't it sit, wachtet in ferrassing.' Elsevier

`Ynferno docht wat er dwaan moat: fermeitsje.' De Morgen