Fan libben en dea is de bondeling fan trije resinte toanielstikken fan Bouke Oldenhof mei in oerkoepeljend tema. Yn Feteranen (2015), foar dy nei dy (2016) en It wie op in simmerjûn ( 2019) stride minsken om in weardefol bestean, wylst de dea altyd by har yn de buert is.

De treffende tema's, de lichte dialogen mei spitse humor en subtyl fertriet, en de brekberheid fan de personaazjes toane it masterskip fan Bouke Oldenhof, ien fan de belangrykste toanielskriuwers fan Fryslân.

Earder ferskynden de Nederlânsktalige bondel De Rijpen en de Frysktalige bondel Fan letter soarch.